Contact Us

Use the form on the right to contact us.

You can edit the text in this area, and change where the contact form on the right submits to, by entering edit mode using the modes on the bottom right. 

New York
NY
United States

9177551511

Arabic Children's Stories in Colloquial Dialects - قُصَصْ بالعربيّة العَامِيِّة للأَطْفال 

إحنا منكتب قصص بالعامية

إحنا منكتب ومننشر قصص للأطفال والطلاب بالعامية

 

إحنا زوج  منربي بناتنا اللِّي عمرهن ٦ سنين وسنتين يحكوا عربي وإنجليزي. كان بدنا نقرأ كتب لبناتنا باللّهجة اللي بيسمعوها وبيحكوها كل يوم، العربية العاميّة اللّي منحكيها بالبيت، بس ما كان سهل نلاقي هيك كتب. فقررنا نكتب قصصنا بنفسنا. "البِنْت اللِّي ضَيَّعَت خَيالْها" هي أول قصة منكتبها

منتمنى هاي تكون أول قصة من مجموعة كتب اللِّي راح تساعد بناتنا يطوروا الحب للغتهن الغنية. لما يكبروا ويكونوا ناضجات وجاهزات انه يتعلموا العربية الفصحى احنا راح نكون كثير فخورين فيهن

كتبنا مخصصة للأطفال وكمان للطلاب اللّي بتعلموا العربية العاميّة. 

المؤلفين

ريم مخّول هي صحفية فلسطينية وربيت بقرية صغيرة بالجليل، جنب الحدود مع لبنان. ريم دايماً كانت مهتمة بموضوع اللّغات، وحتى لما كانت بنت صغيرة كانت تستغرب ليش كتب الأطفال والصور المتحركة اللي كانت تشوفها عالتلفزيون كانت كلها بالعربية الفصحى. ريم سكنت وأشتغلت بالقدس، لندن ونيويورك

ًستيفن فارل هو صحفي من أصل إيرلندي ولد وعاش بلندن. ستيفن تعلم بجامعة بسكوتلندا وإشتغل كمراسل صحفي بدول مختلفة حوالي العالم وخصوصا بالشرق الأوسط

ريم وستيفن هني أهل شهرزاد ونيروز الحقيقيات

 الرسومات 

فؤاد مزهر هو رسّام لبناني اللي إشتغل بعدة مجالات فنية. فؤاد تعلم تصميم غرافيكي ببيروت، وهاي الخلفية بالتصميم اليوم بتقود رسوماته. فؤاد بحب يشتغل بالكوميكس وكتب الأطفال، ومشاريعه المفضلة هي اللي من وراها قصة

   فؤاد هو المسؤول عن الرسومات بقصّص "البِنْت اللِّي ضَيَّعَت خَيالْها" و "وين بدِّي أَتخبى؟" إحنا منتمنى إنه نستمر ونشتغل مع بعض على كمان كتب  بالمستقبل

شهرزاد الحقيقية

 

شهرزاد هي طفلة العالم الكبير. هي ولدت بمدينة القدس ولما كانت طفلة انتقلت مع أهلها لمدينة نيويورك، واليوم ساكنة بلندن

شهرزاد مسماي عإسم تمثال الراوية تبعت قصص وروايات الف ليلة وليلة. التمثال موجود على ضفة نهر دجلة في مدينة بغداد

أقاربها وعيلتها ساكنين بالشرق الأوسط، بسكاندينافيا وببريطانيا

شهرزاد دايماً بتقول أشياء بتضحك وعندها أفكار ذكية، وأهلها بيكتبوا هاي الأفكار والجُمل بالقصص اللّي بنشروها. شهرزاد هي الإلهام الحقيقي من ورا هاي القُصَص

 

 

نيروز الطفلة الحقيقية

 

 أول مرّة منتعرف على نيروز هي بالقصة الثانية "وين بدِّي أَتخبى؟". نيروز هي أسعد طفلة إحنا منعرفها. هي كثير بتحب أختها شهرزاد، وحتى بتناديها "زازا". كلماتها المفضلة باللغة العربية هي "ماي"، "عبوطة" و "قنينة". نيروز بتحب تغني أغاني بطريقتها الخاصة، وصارت تعد للعشرة. إحنا عارفين ومتأكدين إننا راح نكتب كثير قصص عنها.